काठमाडौँ, २४ साउन । कालीमाटी फलफूल तथा तरकारी बजार विकास समितिले बुधबारका लागि तरकारी तथा फलफूलको मूल्य सार्वजनिक गरेको छ ।
जसअनुसार ठूलो गोलभेँडा (नेपाली)को न्यूनतम मूल्य १ सय ६० रुपैयाँ रहेको छ । यस्तै सानो गोलभेँडा टनेलको न्यूनतम मूल्य ८० रुपैयाँ कायम भएको छ ।
समितिका अनुसार रातो आलु न्यूनतम् ४८, रातो आलु भारतीय ३५ र मुडेको रातो आलु ४० रुपैयाँमा संकलन भइरहेको छ ।
यसैगरी भारतीय सुकेको प्याज प्रतिकेजी ५३ रुपैयाँमा संकलन भइरहेको छ । त्यस्तै, लोकल गाजरको न्यूनतम मूल्य प्रतिकेजी १ सय रुपैयाँ छ ।
यसैगरी, ताजा छडी माछा र बचुवा माछा २ सय ३० रुपैयाँ प्रतिकेजी रहेको छ भने मुंगरी माछा २ सय ८० रुपैयाँ र रहु माछा ३ सय ५ रुपैयाँमा संकलन भएको छ ।
समितिका अनुसार आज कालिमाटीमा ९७ हजार ९ सय ३५ किलो तरकारी संकलन भएको छ ।
