काठमाडौँ, ३० साउन । कालीमाटी फलफूल तथा तरकारी बजार विकास समितिले मंगलबारका लागि तरकारी तथा फलफूलको मूल्य सार्वजनिक गरेको छ । जसअनुसार आज गोलभेँडाको भाउ घटेको छ ।
समितिका अनुसार आज सानो गोलभेँडा टनेलको मूल्य १० रुपैयाँले घटेर ८५ रुपैयाँ प्रतिकिलो रहेको छ । जबकि हिजो सानो गोलभेँडा टनेलको न्यूनतम मूल्य ९५ रुपैयाँमा संकलन भएको भएको थियो ।
ठूलो गोलभेँडा (नेपाली)को न्यूनतम मूल्य १ सय ४० रुपैयाँ रहेको छ ।
समितिका अनुसार रातो आलु न्यूनतम् ५०, रातो आलु भारतीय ३५ र मुडेको रातो आलु ४१ रुपैयाँमा खरिदबिक्री भइरहेको छ ।
यसैगरी भारतीय सुकेको प्याज प्रतिकेजी ५८ रुपैयाँमा खरिदबिक्री भइरहेको छ । त्यस्तै, लोकल गाजरको न्यूनतम मूल्य प्रतिकेजी १०० रुपैयाँ छ ।
लोकल बन्दा २० रुपैयाँ, स्थानीय काउली ५०, रातो मूला ६० रुपैयाँ, सेतो मूला हाइब्रिड ८० रुपैयाँमा संकलन भएको छ ।
