सुशील आचार्य
बाल साहित्यकार
१
लौन साथि यो कुरालाई कस्ले बुझ्यो खोई
आफ्नै घरमा बस्तु पाली खाउँ दुध दहि मोई
गाउँघरमा खेती पाती गर्न सजिलो छ
केहि काम छैन भन्दै नबसौं है रोई ।।
२
हामी युवा साथिहरू एक जुट बनी
एकैठाउँमा बसौं आउ केहि गर्न भनी
सबैभन्दा उत्कृष्ठ छ कृषि कर्म हेर
स्वरोजगार हुन पाईन्छ रमाईलो पनी ।।
३
सुन्नुहोला आमा बाबा दिदी दाजुभाई
अन्नपात उब्जाउनु कृषि कर्म समाई
आफ्नै जग्गा जमिनमा उब्जिएको बाली
हाँसी खुशी खानु लाउनु अनी बेच्नु रमाई।।
